Xalq Bayatıları - Lalə Məmmədova

Dağların başı qara

Dibinin daşı qara

Məni bir qız anladı

Gözü göy, qaşı qara

Əzizim, yana dağlar

Od düşüb yana dağlar

O gözələ deyin ki

Baxsın bu yana, dağlar

Ay oğlan, çıraqlısan

Əsli Qarabağlısan

Bir gözəl yar ucundan

Sən də sinədağlısan

Ay deyiləm, ulduzam

Gəlin deyiləm, qızam

Kənardan nə baxırsan?

Gəl yaxına, yalqızam

Başı od saçlı dağlar

Səndən kim aşdı, dağlar?

Yatdım yuxuya daldım

Maralım qaçdı, dağlar

Ay getdi, il də gəldi

Dövranım belə gəldi

Səndən cavab alınca

Dağ-daş da dilə gəldi

Əzizim, gülə düşə

Gün deyil, gülə düşə

Qorxuram ki, eşqimiz

Məcnun kökünə düşə

Güllər açır, deyərəm

Ətir saçır, deyərəm

Əgər sən igid olsan

Məni qaçır — deyərəm

Bəxtimi güldürəydin

Əğyarı öldürəydin

Mən, yarım — Leyli, Məcnun

Aləmə bildirəydin

Əzizinəm, sel gələr

Yağış yağar, sel gələr

Gözəl qız qapısına

Elçiliyə el gələr

Aman, aman-aman

Ay aman, aman, ay yar…

Yar… Yar…

Aman, aman-aman

Ay aman, ah, yar, aman…

Ay aman, ay aman…

Əzizinəm, sel gələr

Yağış yağar, sel gələr

Gözəl qız qapısına

Elçiliyə el gələr

Ay aman, ey…

Bəxtimi güldürəydin

Əğyarı öldürəydin

Mən, yarım — Leyli, Məcnun

Aləmə bildirəydin

Əziziyəm, sel gələr

Yağış yağar, sel gələr

Gözəl qız qapısına

Elçiliyə

El gələr