Raziella - Roberto Murolo

A core a core cu Raziella mia,

stava assettato a chillu pizzo llá:

Lu patre asceva, e schitto nc’era 'a zia

ma, zittu zitto, se potéa parlá!

La zia filava e poco nce senteva

ca, pe' lu suonno, la capa lle pennéa…

io la manella de nenna mia pigliava

che non voléa, ma se facéa vasá…

Essa cantava co chella bella voce,

lu mandolino io mme mettéa a soná…

Essa dicéa, cantanno doce doce:

«Aniello mio, io sempe t’aggi''a amá!»

La zia filava e poco nce senteva

e, pe' lo suonno, la capa lle pennéa,

ma, si â 'ntrasatta, essa maje se scetava…

lu locco, subbeto, io mme metteva a fá!

Ma chillu tiempo comme priesto è passato!

Darría lo sango pe' fárelo torná…

Tanno ero alliéro…e mo só' sbenturato…

schitto d’arraggio e chianto aggi''a campá!

Raziella mia, Raziella mme 'ngannava

mentre d’occhiate e squase mm’abbottava.

Ahi! Disperato tanto mme só' arredutto,

che o moro acciso o mm’aggi''a vennecá!