Malaya Ba - Siakol

Oh mahal kong bayan dahil sa iyong kagandahan

Maraming nag hangad sa’yong mananakop na dayuhan

Ang katahimikan mo ay kanilang ginulo

Ngunit may nagtanggol sa’yo mga bayaning Filipino

Nagkaisang lumaban para sa ating kalayaan

Bayaning matatapang bayani ng ating bayan

Hindi malilimutan ang kani lang kadakilaan

Ang pag ibig sa bayan humantong man sa kamatayan

Ngayong Malaya na, Malaya ba?

Malayang gumawa ng masama

Oh mahal kong bayan ito ba ang kalayaan

Kung ang sarili mong anak ay nagpapatayan

Mga asal dayuhan sa sariling bayan

Mga bagong bayani sa sariling kapakanan

Oh mahal kong bayan na ngayo’y nahihirapan

Perlas ng silanganan bakit dinumihan

Ang ating kalayaan para sa kapayapaan

At hindi ang kalayaang gumawa ng kasamaan