Кропка - Sciana

Пуста ўсё — я ўсім ужо калісьці быў

І застыў у новым чаканьні

Вечным стаў, ды вечнасьць — толькі сіні пыл

Доўгі шлях за кропку вяртаньня.

Проста ўсё, бы два на два дае надзею

Не цяжэй, чым зьведаць каханьне.

На ўсіх календарах — адна падзея —

Доўгі шлях за кропку вяртаньня.

Небам бы разбавіць кроў, а потым новым

Выгаліць памяць жаданьнем.

Час прыйшоў распачынаць даўно гатовы

Доўгі шлях за кропку вяртаньня.

Млечны шлях падкажа першы накірунак

Незавершанага трываньня,

Па руках раскіне венамі малюнак

Доўгі шлях за кропку вяртаньня.