Вясна.by - Sciana

Наступны, чарговы,

Забыты, згаданы,

Ня новы і новы,

Нядоўгачаканы.

Жадаеш – шукай

Загадкавы травень,

Вясна.by –

Чакаем-чакаем.

Вось гарады,

Вось крама ды пошта,

Усё, як заўжды,

І рушыць навошта?

Блакітнае неба

Над шэрым кварталам,

Усё зразумела,

Усё дасканала.

Штодзённы расклад –

У штогадавы,

Размераны лад,

Ня новы і новы.

Знаёмы адчай

Удала хаваем,

Вясна.by –

Чакаем-чакаем.

Наступны, чарговы

Кіруе Зямлёю

У новым стагодзьдзі

Няіснай вясною,

Зноў вырай - як рай,

Ня маючы, маем,

Вясна.by –

Чакаем.

Старыя рахункі,

Чужыя стандарты,

Такі ж будзе хутка

Наступны – упарты.

Зняважлівы май,

Загадкавы травень,

Вясна.by –

Чакаем.